دي الخلاصة لأي حد عايز يشتغل كفريلانسر على موقع
Upwork
أول حاجة الفريلانس دا عبارة إنك بتعمل شغل لحد هو محتاجه
وبيديك فلوس. فا هو شغل ومجهود وكل حاجة الفرق إنك هتشتغل
في الوقت اللي أنت عايزه مع الشخص أو الشركة اللي انت عايزها
من المكان اللي تحبه
احصائيات السنة اللي فاتت بتقول إن موقع Upwork مسجل فيه 8
مليون شخص (عملاء وفريلانسرز) فا عدد المجالات اللي ممكن
تشتغل فيها مهول
أنت محتاج ايه عشان تبدأ؟
1- مستوى الانجليزي يكون متوسط على الأقل ودا معناه إنك تكون
بتعرف تتكلم حتى لو بتتلغبط بس مش مجرد بتكتب على الكيبورد
وبس.
لأن لو مش بتعرف تتكلم مش هتعرف تعبر كويس في الكتابة
لو عايز تحسن مستواك من هنا
2- محتاج تكون شغال في مجال بتحبه (أو تبدأ تتعلم) وبخبرة
بسيطة شهر أو شهرين هتقدر تبدأ شغل زي منا عملت.
متبدأتش بData entry ولا ترجمة أو أي حاجة لمجرد انك تجيب
قرشين!
دور على مجال واحد وركز فيه لأن المنافسة بينك وبين ألوفات من
الفريلانسرز فلازم تكون متميز وعشان تكون متميز لازم تكون بتحب
مجالك وتقدر تطور نفسك فيه.
لما تعمل كدا هتلاقي كل فترة بتبقا مبسوط أكتر وبتاخد فلوس اكتر.
3- تصاحب Google.com لأن مفيش حد هيفيدك أكتر منه
وهنحتاجه كتير زي ما هتشوف بعد شوية.
--------------------
دلوقتي بقا ممكن تبدأ تبقا فريلانسر ودا اللي هشرحه
بالتفصيل أهو:
مش معنى انك دخلت على الموقع وعملت بروفايل كدا خلاص
هتاخد شغل والدنيا عنب، لأ لازم تعمل شوية حجات عشان تعرف
تنافس وتتميز عن الوفات الفريلانسرز التانيين في العالم.
نبدأ بالفيديو اللي أنا عملته من كام شهر دا هيديك فكرة عامة عن
الموضوع ماشي ازاي والتعامل على الموقع بيتم ازاي وما إلى
ذلكbit.ly/firstmonthupwork
دلوقتي هنبدأ ناخد حاجة حاجة من الي أتكلمت عنهم في الفيديو
بالتفصيل، ولازم تكون عارف إن كل حاجة حتى لو صغيرة بتعملها
ممكن تكون هيا اللي هتميزك وتخليك تجيب شغل كويس.
فا متستهترش بأي حاجة كبيرة أو صغيرة.
بما أنك خلاص خدت فكرة عن الموضوع فا ندخل في الجد بقا،
هنعمل بروفايل قوي لأن دا واجهتك في الموقع هتعرف باقي فوايده
والمفروض تعمل فيه ايه بالتفصيل من المقال الانجليزي دا
بجانب إن ممكن يجيلي invitations لما يكون بروفايلك حلو، مش
هنعتمد عليها نهائي بالذات في الأول.
فا هندور على الشغل بنفسنا زي كدا bit.ly/findjobsupwork
بعد ما تعمل الكلام اللي قلت عليه وتلاقي شغلانة حلوة وفيها
تفاصيل كدة المفروض تقدم عليها!
فا هتبعت للعميل رسالة عشان تكتبله ايه اللي يميزك وليه انت
افضل واحد تعمل الشغلانة دي عشان يقبلك أنت.
وساعات بيبقا حاطط أسئلة بتجاوب عليها برضه، الرسالة دي
بنسميلها Cover letter وطبعا دا مش بيتاخد قص لزق! لأ لازم
تعمل
فيه شوية حجات كدا عشان تتميز زي ما قلنا والحجات ديه
الأزمة الأزلية بالذات الناس اللي مش شغالة بقالها كتير، اعمل
الشغلانة ب10 دولار ولا 100 دولار ولا 500 دولار؟
فا عشان تفهم الفكرة والأسعار بتبقا بناء على ايه اقرأ
الكلام كبير وفيه حجات كتير وأنت لسه مش متعود لى الموضوع فا
متيأسش لما كل شوية يجيلك
your proposal to the job was declined
دا بالظبط اللي كان بيحصل معايا زي منتو شايفين
بس دلوقتي أهو الشهر اللي فات الحمد لله كان نسبة رفض ال
proposals بتاعتي 0%
هتقرأ النصايح دي ومش هتعرف تطبقها من أول مرة بس استمر
وهتطبقها في الآخر صح وهتوصل للأحسن بس بالجهد.
دلوقتي بعد ما اترفضت في كام شغلانة جيه يوم سعدك ولقيت
رسالة جايالك (اتقبلت) بس لسه ناقص على الحلو تكة ناقص
الانترفيو
دي أسهل مرحلة عشان متتخضش، غالبا العملاء بيقبلو 1 - 3
فريلانسرز بس عشان يختارو مين اللي هياخد الشغلانة منهم.
فا إنك توصل للمرحلة دي حاجة حلوة ومعناها إنه عجبه ال cover
letter بتاعك وعايز يتأكد إنك فاضي او يشوف أمثلة أكتر وما إلى
ذلك وهنا الثقة بتعمل العجايب
هو مش مستني غير إنك تطمنه إنك قد المسؤولية وهتعمل
الشغل فا تطلع البياع اللي جواك (communication skills) وتقنعه
إنك تنين
دا مثال لإزاي ال communication skills نفعتني لما كنت لسه باديْ
(طبعا دلوقتي نفعاني أكتر) http://bit.ly/communicationupwork
وبكدة تبقا خلاص خدت الشغلانة، تتأكد بس إن الفلوس funded
زي
ما شرحت في الفيديو أو لو هتشتغل بالساعة فأنت هتستخدم ال
tracker والساعات اللي هيعدها هتبقا ضامن فلوسها 100%
وطبعا متتأخرش في التسليم وتعمل كل اللي أنتو متفقين عليه
عشان العميل يديك review حلو يفيدك بعدين.
بعد ما تشتغل شوية تعلي سعرك بقا عشان تعرف تاكل عيش
ومتخفش طول منتا شغلك كويس ودي كانت تجربتي لما عليت
سعري من 15 إلى 35 دولار
اللحظة الحلوة بقا لما تيجيي تسحب فلوسك، أنا بسحب ببايونير
ودا الشرح بتاعها http://bit.ly/upworkpayoneer
بس أنا قلت في الفيديو تكون بتسحب اقل من 300 دولار لو اكتر
يبقا حوالة بنكية واللي يفيدوك في الحوالة البنكية هما أعضاء
جروب Freelance For Arabs
أظن كدة الفكرة وضحت وتقدر تشتغل وتجرب وتغلط عشان توصل
لحاجة كويسة، بس خلي بالك من الكام حاجة اللي هقولها دي
عشان ناس كتير بتقع فيها.
--------------
شوية نصايح كدة هينفعوك وهيبعدو عنك مصايب في رحلتك
الفريلانسية الجميلة
1- لما تبدأ في الأول بالأخص لما تكون خبرتك قليلة وبتحاول
تشتغل زي منا عملت في الفيديو، مش معنى كدة انك تسيب
الكورسات اللي بتتعلمها ولا المقالات اللي بتقراها في مجالك!
خلي البحث عن الشغل ساعة أو 2 في اليوم وباقي اليوم بتطور
نفسك أول بأول لأنك بالطريقة دي لو مش عندك اعمال سابقة دي
فرصة تعمل كام نموذج ودا هيزود نسبة قبولك!
ولما تشتغل كمان هتعرف إن اه الشغل بيعلمك وبيفيد بس برضه
لازم تطور نفسك أكتر سواء كورسات أو قراية مقالات أو حتى تطور
الانجليزي.
2- أيا كان مجالك اللي بتتعلمه متتفرجش على فيديوهات وتقرأ
مقالات وبس، لأ افضل طبق سواء بتعمل لوجوهات أو مواقع أو
بتعدل على فيديوهات.
الفرجة والمقالات مش هيفيدو بحاجة من غير تطبيق.
3- اتعود تبحث بنفسك على الحاجة اللي هتحتاجها سواء كورس او
حل مشكلة في شغلك أو عايز تعرف معنى كلمة.
دايما دايما روح على جوجل قبل ما تسأل صحابك ولا تسأل في
الجروبات.
الناس دي مش هتبقا دايما معاك، كل شخص بيمثل رأي واحد
ممكن تقرأ رأي تاني أو معلومة أفضل من مكان تاني.
ومش دايما هتلاقي حد عنده خبرة في كل حاجة انت بتسأل فيها.
اخيرا وليس اخرا، البوستات اللي حطيتها كلها العربي دي مختصرة
جدا مفيش غير بتاع البروفايل http://bit.ly/ft-upwork-profile
هو اللي مليان معلومات وكل حاجة تقريبا عن البروفايل (هحدثه
قريب باللي مش موجود فيه)
وإن شاء الله هكمل بقية المقالات المفصلة زيه بالانجلش عن باقي
الحجات (البحث عن الوظائف والكوفر ليتر والانترفيو وما إلى ذلك)
بالانجليزي برضه على نفس الموقع
لو أنت مش في جروب Freelance For Arabs فا ادخل في بوستات
كتير مفيدة معرفتش احط لينكاتها لأنها مش هتظهر غير لأعضاء
الجروب
غير إن فيه ناس بتشارك تجاربها وبرضه لو وقفت معاك حاجة تسأل
هناك بعد ما تكون بحثت في جوجل طبعا
لو خلصت الجزء دا ولسه عندك مشاكل اقرأ بقا اشهر المشاكل
وحلها من هنا bit.ly/alibabaupwork
