واوعى تترجم عشان دي أكتر حاجة بتضيع الناس اللي عايزة تتعلم انجلش، المفروض
متستخدمش لغتك اللي هيا عربي نهائي.
دلوقتي أنت طفل امريكي او بريطاني حسب اختيارك :D هتعرف اسم الحاجة بصورتها
او شرح مبسط ليها بالانجلش بس انت متعرفش لغة تانية اصلا عشان تتعلم بيها انجلش.
ولما تعرف اسم الحاجة وصورتها أو الفعل أو غيره بالانجلش، استخدم الكلام دا في جمل عشان لما تيجي تتكلم انت هتقول جمل مش هتقول اسم الحاجة دي وتسكت، فا لما تتعود على انك تقول جمل على طول مرحلة الكلام هتيجي بسرعة معاك.
برضه لما تلاقي اسم في الانجلش متعرفهوش حطه على google images وغالبا هتعرف شكلها ايه وتحفظ اسمها بالشكل مش بالاسم العربي.
وهما من اشهر القواميس يعني فا ممكن تبحث فيهم على طول لو مش عايز تستخدم جوجل.
متستخدمش الجرامر غلط! مش معنى انك عرفت تكوين الجمل انك تفضل تفكر قبل كل جملة بتقولها احط الverb الاول وبعده احط ايه وتفضل تجمع الجملة في دماغك دقايق قبل ما تقولها. شوف فيديو لأي طفل بيتكلم انجلش أو عربي، هتلاقيه بيقول جمل شبه مفهومة بس تركيبها غلط. مع الوقت لما يسمع تاني الصح بيحسن تركيب الجمل وهكذا بس مش بيفكر قبل ما يتكلم في تكوين الجملة ابدا!
معنى كدة إن الجرامر وحش والمفروض تتجاهله في الاول؟ لأ
اعرفه بس متفكرش في الجرامر قبل ما تتكلم، اتكلم الأول زي ما سمعت لأنك غالبا هتبقا بتقول جملة سمعتها في فيلم او قرأتها في حتة فا هتطلع اوتوماتيك، بعدها هتلاقيك بتحس إن الجملة اللي طلعت غلط ولا كانت صح (دي فايدة الجرامر) بكدة هتلاقيك بتتكلم انجلش كويس منغير ما تحس :D
حجات تساعد برضه:
1- الفيديوهات اللي قلت عليها فوق https://www.ted.com ومتنساش تشغل ال English subtitles
2- الافلام والمسلسلات زي ما قولت دي اسلوب حياة بالنسبالي، وهتعلمك كتير.
4- تمارس وتتكلم انجلش مع أجانب أو مصريين أو مع نفسك. عشان ما تقولش مش لاقي اجانب اكلمهم، عادي تكلم عرب زييك أو تكلم نفسك! صور نفسك فيديو واحكي عن يومك أو ملخص فيلم أو أي حاجة. وشوف كل شهر مثلا اتحسنت قد ايه من آخر فيديو.
5- وأنت بتردد الجمل في اي فيلم او اغنية او ورا فيديو بتتعلم منه قولها بصوت عالي هتثبت اكتر وهتعرف تظبط نطقك أسرع. متروحش ورا اللينكات اللي فيها 100 كورس و100 لينك عشان تعلمك الانجلش لأنها ببساطة هتشتتك، والحجات اللي أنا حاطتها دي مش أساسية لو انت شغال في حاجة احسن خلاص كمل فيها.
أخيرا لما توصل لمرحلة متوسطة في الانجلش هتقدر تحدد نقط ضعفك سواء في ال (reading - listening - speaking - writing) وتقدر تدور على مقالات او فيديوهات على اليوتيوب عشان تحسن نقطة الضعف دي وهتلاقي ناس خبراء تتعلم منهم. Enjoooy :D
0 التعليقات :
إرسال تعليق