أيام الثانوية العامة مكنتش لسة محدد هدفي ولا المفروض
هوصل لايه او ازاي، فا لقيت الطريق اللي قدامي هو زي اغلب
الناس.
قلت هدخل هندسة واتخرج منها اعمل ماجستير بره مصر والدنيا
هتبقا حلوة.
طبعا أنا مكنتش مؤمن بالتعليم المصري والهدف اللي عايز اوصله
مش محفز اوي عشان دا كان مجرد الطريق اللي لقيته شغال
مكانش شغفي في مجال معين في الهندسة مثلا.
بس في نفس الوقت مكنش فيه حاجة متاحة غيره كويسة، بس
كان فيه مشكلة.
إني مكنتش بحب المذاكرة ولا حابب اللي هيا هتوصلني ليه، فا
كنت مقصر في معظم المواد الدراسية وكنت على وشك إني اتطرد
من كذا درس.
فا بالمصري كدة أنا كنت ماشي بالحب أوي ومش بذاكر خالص وكل
اللي كانو معايا في الدروس وأهلي قالولي انت لو جبت 80% تحمد
ربك.
المهم إن من أكتر المواد اللي كنت مقصر فيها كانت مادة الكيمياء،
كان فيه جزء كبير من المنهج محضرتهوش في الدرس ولا ذاكرته
لوحدي.
فا طبعا جيت قبل الامتحان بتاع الكيمياء بيومين وعملت ايه؟
طلعت العين السخنة عشان أغير جو!
واليوم اللي قبل الامتحان نمت فيه عشان أكيد بذلت مجهود في
العوم يعني وكدة
والناس اللي عارفاني وكانت معايا في اللجنة عارفين إني كنت في
حالي مش بغش ولا بغشش حد ورحت الامتحان زي غيره حليت
اللي أعرفه وكتبت أي حاجة في اللي معرفهوش وخلاص.
المهم إني في الآخر بالاستهتار - زي ما الناس بيسموه - اللي أنا
كنت فيه جبت 92.9% ودخلت هندسة - سبتها في الاخر بس
مش موضوعنا - على عكس ناس كتير أعرفهم كانوا هاريين نفسهم
مذاكرة ومش بيطلعو من البيت والجو ده وجابوا أقل بكتير.
الخدعة هنا إن كل واحد بيفكر في الشغل إن الحاجة اللي هتميزه
وهتوصله لهدفه هيا إنه يشتغل 12 و 20 ساعة وخلاص.
فا هو قريب من موضوع الطلبة اللي بتذاكر كتير ومش بتفصل
وبتتعب نفسيا وفي الاخر متقدرش تحل كويس وترتبك في
الامتحانات.
فأنا شايف إن الواحد بيحتاج يفصل كتييير، يوميا واسبوعيا وشهريا
وياخد الموضوع بالحب شوية.
بجانب طريقة التفكير اللي هي أهم حاجة هتميزك عن غيرك على
المستوى البعيد.
الفريلانسرز اللي بيضغطوا نفسهم 12 و 20 ساعة في اليوم
للشغل بس غالبا بيوصل عند مرحلة وينفجر بجانب إنه مبيبقاش
عنده وقت يطور من جوانب تانية هتميزه كفريلانسر زي الانجلش
وإنه يقرأ كتب وحجات عن مجاله او بمجالات متعلقه بمجاله
الاساسي أو إنه يزود حسه الكوميدي وقلت مهم وفادني ازاي هنا
ولما فكرت وصلت إني بقيت ماشي بنظرية work less, earn more
فا لما بفصل واتفرج على افلام ومسلسلات، اقوي الانجلش واهزر
احسن واقرأ في مجالي والمجالات اللي حواليه دا كله بيساعدني
اعلي سعري!
بدل ما اشتغل 12 ساعة في اليوم ب 5 دولار في الساعة فأنا
ممكن اشتغل ساعتين او 3 في اليوم ب35 دولار في الساعة
وهيبقا مكسب اليوم اكتر!
وهكذا بقا في اي حاجة، لو فكرت إنك شغال في مجال معين بس
الشغل المتاح فيه مش كتير فا ممكن توظف نفس مهاراتك وتتعلم
حاجة زيادة وتشتغل في مجال تاني
مثال قلته قبل كدة:
واحد شغلانته الكتابة (copywriting)
فا كان مختار مجال انه يكتب CVs فا لقا انه بيكتب للعميل مرة ومش بيشوف وشه تاني ولازم يبذل مجهود كبير انه يدور على
عملاء جدد كل مرة.
بدل المجهود دا قام استغل مهاراته في الكتابة واتجه انه يكتب
مقالات للمواقع (blog posts) لانه لما بيكتب مقالات لشركة
وبتعجبهم وتفيدهم بيطلبو منه يكتب تاني وتالت ورابع فا كدا
المجهود هيبقا في الشغل مش في البحث عن عملاء جداد كل
كام يوم.
الخلاصة من الموضوع إن أي مشكلة تحصل لو لقيت نفسك في
نص شغلانة مش عارف تكلمها بدل ما تقول ان ملهاش حل وانت
خسرت كل حاجة كدة
فكر ايه الحلول المتاحة، مثلا:
1- اسيرش اكتر عن المشكلة واحاول احلها بنفسي.
2- أدفع فلوس لواحد تاني عشان يحلهالي.
3- اقول للعميل إني مش هقدر اعمل الجزء دا بس هعمل باقي
الشغلانة عادي.
وفيه حلول تاني كتير حسب كل مشكلة يعني.
المهم إنك تحاول تخرج منها بأقل خساير ممكنة وطبعا مشكلة مع
التانية خبرتك هتزيد ومفيش حاجة ملهاش حل حتى لو كان الحل إن
تعمل بروفايل جديد على الموقع أو تغير المجال خالص فا دا حل
برضه بس كل حل هيبقا ليه ميزات وهييجي من وراه خساير.
فا احسبها صح
والثانوية العامة مكنتش حاجة انا حاببها عشان كدا لما جيب
اشتغل اخترت مجال انا بحبه وبالتفكير الصح بقيت بحقق اللي انا
عايزه
البوست اللي جاي هيبقا ازاي تفكر وتختار مجال وتخصص مناسب
قبل ما تشتغل على Upwork
وبرضه هيفيد الناس اللي شغالة عشان ممكن يكونوا متخصصين
غلط!
كالعادة إنجووي
وتصحيح خطأ كتابيlaw*
0 التعليقات :
إرسال تعليق